रिडी ग्रुप लिमिटेडका अध्यक्ष मानबहादुर बुढा अवकाश प्राप्त व्रिटिश गोर्खा अफिसर हुनुहुन्छ । सन् १९९६ मा बेलायती सेनावाट अवकाश भएर नेपाल आएपछि दाङमा गोरखा इन्टरनेशनल पब्लिक सेकेण्डरी स्कुल स्थापना गरेर शिक्षा क्षेत्रमा लाग्नुभयो । शैक्षिक वातावरणका दृष्टिले सो स्कुल नीजि क्षेत्रवाट संचालित नेपालकै नमुना स्कुलको रुपमा स्थापित छ । हाल उहाँकै नेतृत्वमा गोरखा ग्रुप अन्तरगत दाङ जिल्लामा गोरखा ब्राण्डका आधा दर्जन बढी स्कुल तथा कलेजहरु, गोर्खा पब्लिक हस्पिटल, गोरखा डेभलपर्स कम्पनीहरु संचालनमा छन् । त्यसैगरी, काठमाडौमा संचालित सान इस्टिच्युट अफ नर्सिङको अध्यक्ष र ब्रिटिश गोर्खा ओभरसिज सर्भिसेजका निर्देशक पनि हुनुहुन्छ । एक सफल व्यवसायीका साथै उहाँ रोटरी इन्टरनेशनल, मगर समाज सेवा केन्द्र, नेपाल मगर संघको सल्लाहकार जस्ता सामाजिक संघसंस्थाहरुमा आबद्ध भई समाज सेवा पनि गर्दै आउनुभएको छ ।

झकेन्द्र घर्ति मगरले त्रिभुवन विश्वविद्यालयवाट समाजशास्त्रमा एम. फिल. तथा व्यवस्थापनमा स्नातक गर्नु भएको छ । यस कम्पनीको स्थापनादेखि नै संचालकको रुपमा कार्यरत हाल उहाँ यस कम्पनीको प्रबन्ध निर्देशक पनि हुनुहुन्छ । उहाँले सन् २०१० देखि सरस्वती बहुमुखी क्याम्पसमा समाजशास्त्र प्रध्यापन पनि गर्दै आउनुभएको छ । सामाजिक ब्यवसाय, अध्ययन अनुसन्धान र लेखनमा समेत क्रियाशील उहाँका विभिन्न पुस्तक, अनुसन्धानात्मक तथा विश्लेषणात्मक लेख रचनाहरु प्रकाशित छन् ।

रुविना रोका मगर परम्परागत आदिवासी ज्ञान सीपमा दख्खल राख्ने महिला उद्यमी हुनुहुन्छ । उहाँले मध्य पहाडी क्षेत्रमा पाईने पुवा, भांगो र सिस्नुको धागो उत्पादन तथा त्यसवाट विभिन्न किसिमका घरेलु कपडा बुन्ने पेशा गर्नुहुन्छ । यस कम्पनीका संचालक रुपमा उहाँले परम्परागत ज्ञान सीपमा आधारित उद्यमशीलताको प्रबद्र्धन गर्ने जिम्मेवारी बहन गर्नुहुन्छ ।

रिडी ग्रुप लिमिटेडका संचालक रामबहादुर थापामगर (सन् २००८–२०११ सम्म) संविधान सभाका सदस्य हुनुहुन्थ्यो । उहाँले राजनीतिशास्त्र, समाजशास्त्र र नेपाली विषयमा त्रिभुवन विश्वविद्यालयवाट स्नातकोत्तर तथा नेपाल ल क्याम्पसवाट कानुनमा स्नातक गर्नुभएको छ । यस कम्पनीका संचालक उहाँले कम्पनीको कानुनी पक्ष तथा सामाजिक सम्वन्ध हेर्नुहुन्छ ।

रिडी ग्रुप लिमिटेडका संचालक शारदा मगर सहकारी उद्यमी तथा सामाजिक अभियन्ता हुनुहुन्छ । उहाँ रिडी ग्रुप लिमिटेको मुख्य लगानी रहेको रिडी नाम्जे इको रिसोर्ट प्रा. लि. को संचालक अध्यक्ष हुनुहुन्छ । त्यसैगरी उहाँ सयपत्री नारी बिकास बचत तथा ऋण सहकारीको संचालक, धरान उपमहानगरपालिका सहकारी विकास बोर्डको सदस्य, जिल्ला सहकारी संघ, सुनसरीको महिला उपाध्यक्ष, राष्ट्रिय सहकारी महासंघ, प्रदेश नं. १ सदस्य तथा नेपाल मगर संघ, प्रदेश नं १ को इन्चार्ज जस्ता महत्वपूर्ण पदमा क्रियाशील हुनुहुन्छ ।

रिडी ग्रुप लिमिटेडका संचालक बलमान पुन मगर जडीबुटि तथा निर्माण व्यवसायी हुनुहुन्छ । हिमालयन हर्बो इम्पोर्ट तथा एक्सपोर्ट प्रा.लि. का संचालक उहाँले लामो समयदेखि रियल स्टेट व्यवसाय पनि गर्दै आउनुभएको छ । उहाँ व्यवसायका साथसाथै विभिन्न सामाजिक संघसंस्था पनि आबद्ध हुनुहुन्छ ।